Verkefnabækur Skerpu

Nú styttist óðum í nýtt skólaár og undirbúningur langt kominn hjá útgefendum Skerpu. Ný bók fyrir Skerpu 3 er væntanleg í sumar og hefur henni verið breytt umtalsvert frá því sem var. Bókin verður prentuð í tvílit eins og hinar tvær og mun hafa að geyma 8 lotur. Bókinni munu fylgja ítarlegar kennsluleiðbeiningar, lausnir og fleira.

Pantanir fyrir næsta vetur má senda á netfangið forlagid@forlagid.is, og þarf þá að tilgreina netfang hjá að minnsta kosti einum tengilið í hverjum skóla sem fær þá afhent nýtt lykilorð að vefnum. Það lykilorð tekur svo gildi 15. júní næstkomandi. Best er ef hægt er að safna saman netföngum þeirra sem munu kenna efnið næsta vetur svo allar tilkynningar um nýtt efni á vef og annað þess háttar berist fljótt og örugglega til þeirra sem við á.

Hér til hliðar verða svo settar auglýsingar um kynningar á Skerpu og eru kennarar hvattir til að fylgjast með þeim.

Forlagið sendir kennurum bestu óskir um gleðilegt sumar og þakkar gott samstarf á þessu skólaári.